Iwwer uns

Träwelling is ään koschdeloser Check-In Dinscht, mit wellem du deine Freinde saan kanschd, wo du grad mit de öffendelische Verkehrmiddel unnerwegs bisch und Fahrdebuch fehre kannsch. Korz gesaa: mer kann in Ziech inchecke unn bekommt dodefihr Pungde.

F.A.Q. Haifich gestellde Frooche

Wer entwickelt Träwelling?

An Träwelling werd seit 2013 vun immer annere Leit entwickelt. Dääls nur Bugfixes, dääls greeßere Ännerunge. Genaure Infos findscht du in de humans.txt

Vun wo kummt de Name?

De Name is e Anspielung uff des allseids bekannde "Senk ju for träwelling wis Deutsche Bahn", was mer eichentlich in faschd jedem Fernverkehrzuuch vun de Deutsche Bahn geheert han sollt.

Warum werd do mei Zuuch ned ufgelischd?

Mir verwenne e Schniddstell vun de Deutsche Bahn, bei dere ned alle Angebode direkt debei sinn. Leider könne mir net viel dran mache, wenn dei Zuuch ned debei is.

Do fehlt ebbes! Wissoo gebts des Feature nimmi?

In der Version vun Träwelling fange mer emol ganz vun vorre an – dodebei kanns sinn, dass wenisch-verwendete Funktione noch ned ingebaud sinn. Wenn du en Feature vorschlaan willschd, kannsche ääfach a Mail schreibe an hi@traewelling.de.

Wie werre die Pungde berechelt?

Die Pungde setze sich aus de Produktklass un de Entfernung vun deiner Rääs zamme.

Produktklass Basispungde
Tram / Stadtbahn, Bus, U-Bahn 2
S-Bahn, Fähr 3
Regionalbahn/-express 5
InterCity, EuroCity 10
InterCityExpress, TGV, RailJet 10

Die Entfernung werd uff die nächschde 10 Kilomeder gerund un durch 10 gedeeld. Denooch werre die Basispungde zammegezählt.
En ICE-Rääs vun 143 Kilomeder bringt dir dodemit 10 + uffrunde(143/10) = 10 + 15 = 25 Pungde, fer e S-Bahn-Rääs vun 8 Kilomeder gebbts 2 + uffrunde(8/10) = 2 + 1 = 3 Pungde.
Mer wolle, dass de meeglichst dabber inchecke duscht, damit die Plattform immer e akdueller Stand vun deiner Rääs hat. Desdewege gebbts die volle Pungde nur, wenn de während de Rääs orre 20 Minudde vor de Live-Abfahrt (Plan-Abfahrt + Verspädung) incheckst. Wer 1 Stunn vor orre nooch em Rääsezeitraam incheckt, bekummt immerhi noch 1/4 vun de Pungde. Wenn de noch frieher orre späder in ä Verbinnung incheckst, bekommscht de die volle Kilomeder und Stunne gutgeschriwwe, awwer nur een Mitleidspungd.